Na promé lugá nos ke yama bo danki pa bishitá nos wèpsait. E echo ku bo a hasi esaki ta prueba ku bo tin e kuriosidat pa sa mas, pues pa e simpel echo aki bo meresé un brasa fuerte i un tremendo bida seksual!

Dickz&Happiness a wòrdu fundá na aña 2022 dor di Janovière Leonora. Tur kos a kuminsá ku djis momentunan di lokura kaminda mi tabata duna reviews di 'sextoys'  via di gruponan riba media sosial. Na dado momentu mi a realisá ku esaki por bira un negoshi tambe ya komo mi ta un coach riba e area personal i seksual. Mi tabata kana pa basta tempu ku e idea aki den mi kabes i finalmente 28 di december 2022 mi a hasi mi soño realidat.

Vishon

E vishon di Dickz&Happiness ta pa eduká i informá tur hende riba e area seksual. E intenshon ta pa hasi esaki na un manera interaktivo kaminda boso lo por siña, diskutí i pasa prèt! Esaki nos ke hasi'é dor di krea un espasio safe kaminda tur hende ta sinti nan komfortabel pa papia abiertamente di seksualidat i tur loke esaki ta bin kun'é.

Mishon

Nos mishon ta pa konsientisá i eduká kada un di nos kliente, - i siguidónan pa asina laga nan realisá ku nan lo por disfrutá plenamente di un bida seksual ku hopi lokura pero tambe ku rèspèt. Nos lo hasi nos maksimo esfuerso pa den forma di workshops, charla nan i weganan edukativo, nos siña boso tur tekniká nan ku tin di haber ku sèks, duna boso tips & tricks i momentu nan di alegría dor di konta boso un poko di nos propio 'blunders' seksual.

🌻Let's have us some educational fun!