NO! Hinka Man Den Mi Karson

Rumbo pa 30 aña, Janovière Leonora, jurista di dia, sexcoach anochi, mama, pareha i studiante di sikólogia a sinti'é manera un nobato riba e area seksual. Na momentu ku el a bai buska pa sa kon pa trese kambio riba e area aki ela realisá ku tur informashon ku tin ta basá riba e plaser di e hende hòmber i ku tabatin masha poko informashon disponibel tokante plaser di e ser muhé. Determiná i debidamente motivá, Janovière a traha un lista ku intenshon pa deskubrí kiko tabata falta den su bida seksual. El a embarká su mes den un adventure ku a kambia su bida por kompletu. 

Jany a skibi e buki di sèks ku e tabatin gana di lesa. E buki aki lo ponebo grita hari na un momentu i basha na yoramentu na e siguiente kapitulo. E ta un buki ku lo habri hopi su wowonan, ku lo inspirá otro nan i ku lo yega na kurason di kada un ku lesa esaki.