Nos tur a yega di pasa den momentu nan bergonsoso of laf ora nos ta den momentu di intimidat kun os pareha (of di hende). Pa e motibu ei hopi kosnan den e lista aki bou menshoná, lo no ta kosnan ku ta deskonosí pa boso. Maske ta temanan ku hopi biaha nos no ke papia ariba, e ko’i lokonan aki a yega di pasa nos tur pues kue bo kòpi te i bo kuki bo sigui lesa i lagami sa kua di nan a yega di pasa bo tambe!
- Ugh! Mi no tabatin dje tantu gana ei tòg.
Boso ta drumi riba kama.ta scroll riba social media, ta lesa un buki òf kisas ta skuchando bo podcast preferí. Riba nada bo pareha ta kuminsá ku un mishimentu, un fulamentu i un primimentu di su pida ko’i loko na bo atras. Komo bo ta den bo kos i frankamente bisá bo no tin niun tiki gana tampoko, bo ta bis’é pa e stòp di ‘moeilijk bo geest’. Manera un 10 minüt despues bo a ripará ku tòg bo tin e gana di subi i monta e kabai ei pues awo abo ta kuminsa riba un mishimentu, fulamentu i sunchimentu formal…PERO rei 3x ken no tin gana awo? Eksakto! Ata boso tur dos bastante iritá i ku lomba pa otro. Ki mark’i kastigu hè?!
- Bin i bai.
Boso a kaba di kulminá un seshon kayente kayente di sèks. Abo ainda tin gana di tin un momentu di intimidat, kombersá i brasa otro pues bo ta pega un tiki mas den dje i pone bo kabes riba su chest. Te ku bo ke habri bo boka pa bis’é algu, bo ta tende ta zag palu. Mi sa, mi tambe a yega di pasa aden i por poko mi a pone un kusinchi riba su kabes i kai sinta ariba...
- E penis ta blo keda sali afó
Segun ami, no ta eksistí algu mas frustrante ku e kos ei paso tin bes ta netamente ora bo ta serka di yega na bo climax e ko'i mièrde ei sa pasa. Bo ta kue un gran fadá i hopi biaha ya bo no ke hasi nada mas! Hala rosea sis i huntu boso buska un otro posishon kaminda e ko’i karaho ta keda aden.
Tene na kuenta ku esaki no ta nifiká nesesariamente ku e persona su p ta chikí i ku e yave no por hunga! Hopi biaha esaki ta konsekuensia di un doshi debidamente muhá!
- Bin huntu
Ata e a bin i abo mes a keda drumi ta wak plafònt. Un fadansa!! Tene na kuenta si ku tin ora nan ke, pero gewón e no a logra e biaha ei (si ta algu struktural si, pasa serka mi pa nos handle e asuntu ei!). Si despues ku e bin, e maske ta hasi su esfuerso pa laga abo tambe bin i e no logra, no kansa bo kabes! Ta kos ku ta pasa tur hende. Focus bo mes riba e momentu i no e orgasmo. Disfrutá muhé! Disfrutá!
- Palu di triplex
Keremi ku no ta eksistí ni un, mi ta ripití, no ta eksistí ni un hòmber ku ta disfrutá di subi i frega na un palu di triplex. Bo'n ta mishi, bo'n ta papia, bo'n ta keña! NADA DE NADA! No por! Partisipá na e wega! Lag’é sa ku bo ta disfrutá e momentu i ku bo tin e mes gana di dje ku e tin di abo i si no ta asina, lanta piki bo korotonan i bai!
- Propuesta indesente
Nos tur sa haña inspirashon seksual di kosnan ku nos sa mira riba social media òf lesa den buki òf kosnan ku nos a tende di kualke amistat/konosí. Tin biaha gewón nos ke sali for di e rutina tambe i hasi algu otro pero tene na kuenta ku tin propuestanan ku por kai den mal tera serka bo pareha. Ku bo sa bon bon ku e hòmber no ke pa bo ni klap su atras, bo no por bai puntr’é pa bo hinka bo dede den su atras si. Ban serio! Meskos ku si bo sa ku bo muhé ta asta lajoest riba bo primanan, bo no por puntr’é pa hasi nada den ningun klase di triangulo. Bin bei jònkuman!
- Papia kos stinki kumi dushi
Dirty talk por trese hopi eksitashon seksual basta e ta bin natural i no ta kos di mas! Kosnan manera p*ta sushi, ko’i pueblo, chupa e ko’i bachikueba NO ta kosnan great pa tende. Pa e muhé nan: paga tinu na loke boso tambe ta bisa durante e momentu seksual. E momentu ei no ta esun korekto pa bisa e hòmber ku su boka ta hole Chento mal aliento. Bo mester a hasi esei promé bo a habri e doosje. No pompami!
- “B’a bin?!”
Fo’i ora bo tin ku puntra, nos a desha! Dikon? Paso esaki ta nifiká ku bo no ta para ketu na nos idioma di kurpa ni na loke ku ta pasando! Keremi, si bo sa di bo stof, lo bo por saka afó presís ki ora e muhé a yega su destinashon i ki ora el a hunga un komedia pabo!
Reactie plaatsen
Reacties