E LEMA DI AWE PA DILANTI TA: NO WÒRI BO KABES, HASI BO KO'
Haloaaaaaaaa,
Ayera mi a primintí boso ku awe nos ta bai papia tokante 8 kos ku hende ta pensa ora ta trata masturbashon. Masturbashon riba su mes ta un taboe masha grandi mes. Hopi hende no tin e kurashi di papia habrí tokante esaki, pero no wòri bo kabes paso ta pa esei nos tei. Hopi biaha ora mi toka e tema di masturbashon, e mes punto nan aki ta bin dilanti, pues pesei mi a disidí ku awe nos ta bai kombersá habri over di esaki.
1. 'Masturbashon ta kos di hende maniak!’
Wèl, si ta asina anto hopi di nos ta maniak ! Pasobra ta kasi tur hende ta masturbá. Bo bisiña, bo kasá, bo ruman, bo prima, tanchi, tio, amiga, amigu i byside. Masturbashon ta algu normal! Pues no wòri bo kabes, hasi bo ko'!
2.‘Pero kon bo ta hasi disfrutá di sèks si bo ta masturbá tantu asina ?’
No mester tin un montante mará na masturbashon. Hasi bo kos trankil. E akto seksual ta henteramente un otro sensashon for di esun ku masturbashon ta dunabo, pues no tene miedu. Bo por disfrutá di tur dos sin mester kana ku e pensamentu ku si bo hasi esun hopi, bo no por disfrutá di e otro. Pues no wòri bo kabes, hasi bo ko'! ( Tene na kuenta si pa e masturbashon no bira un adikshon ! Pronto lo mi kompartí ku boso kiko ta e sinku punto nan ku ta indiká ku bo a drenta direkshon di adikshon ora ta trata masturbashon.)
3. 'Mi no ta haña orgasmo ora mi masturbá. Dikon anto ?'
Si bo no logra na haña un orgasmo, no ta nada. Mundu no a kaba. Ta rekerí tempu pa bo por eksplorá i konosé bo kurpa. Hopi biaha bo tin ku purba diferente kos promé ku bo yega na e punto di orgasmo. Esaki no ta nifiká ku bo no por disfrutá di un bon seshon seksual ku bo mes. Hopi biaha e building up to the orgasm, ta mas dushi ku e orgasmo mes. Pues no wòri bo kabes, hasi bo ko'!
4.'Pakiko lo bo masturbá si bo tin pareha?'
Uh, simplemente paso masturbashon ta sinti great ? Ademas, mas great ainda ta si bo masturbá ku bo pareha. Asina aki boso ta krea un level di intimidat hopi haltu kual ta na benefisio di boso bida seksual. Aparte di esei, e echo ku bo ta mira bo pareha eksitá di djis wak abo disfrutá di bo mes ta algu sexy riba su mes. Purb’ é i no wòri bo kabes, hasi bo ko'!
5.'Masturbashon no ta bon pabo hasi!'
Si bo ta religioso kisas, pero otherwise dikon nò? Bo no ta bira ni siegu, ni surdu, ni muda ora bo masturbá. Al kontario, e ta release stress, e ta un paracetamol natural ora bo tin doló di kabes, e ta bon pa bo sistema inmuun, e por evitá kanser na prostaat, bo ta sera konosí ku bo mes riba vlak seksual i intimo anto riba dje bo ta drumi masha dushi meeees! Pues no wòri bo kabes, hasi bo ko'!
6.'Mi a tende ku masturbashon ta hasibo onvruchtbaar.'
E ora ei mi ta puntra mi mes ta dikon tin tantu ser humano ta kana rònt riba e mundu aki. Ora e sekso maskulino masturbá esaki ta juist drecha e kalidat di su sperma. Pa hende muhé esaki ta nifiká ku e tin menos chèns pa haña infekshon nan na su matris, pues no wòri bo kabes i hasi bo kos !
7.'Nan di ku si mi masturbá tur dia, mi penis ta bira mas grandi pero el a keda meskos.'
Na promé lugá, no ta tur hende gusta penis grandi. Tin un grupito grandi di hende ku ta team #peniskòrtikuigordo pues laga e kos manera e ta. Na di dos lugá mi ke pa bo sa ku esaki no ta kuadra ku realidat. E grandura ta keda e meskos sea bo masturbá hopi òf nò. E por krese dor di bo eksitashon pero despues ku bo release, esaki ta baha i bai bèk na normalidat. Pues no wòri bo kabes, hasi bo ko'!
8. ️Bo tabata sa ku bo por mastrubá sin tin mester di un Triple G-spot Orgasm Monster Sex Toy From Mars & Jupiter 5000 ?
Si, bo por gewoon uza bo man i duna bo clitoris un tiki amor! Ami personal ta preferá balansá e kosnan. Di djaluna pa djarason ta uza e mannan ku mi a wòrdu bendishoná kun'é i di djawebs pa djadumingu nos ta kís algu for di e kolekshon. Pero naturalmente ta abo ta disidí pues no wòri bo kabes, hasi bo ko'!
Reactie plaatsen
Reacties