Haloaaaaaaaaa,
Manera semper mi ta hasi boso pregunta ku intenshon pa eduká i informá pará su tras. E motibu pa kual mi a hasi e pregunta aki ta pa mi mira tambe kiko tur boso sa di malesanan veneriko i pa purba mustra boso kon fasil ta pa bo kontrahé un malesa.
Hopi hende ta gaat ervan uit ku ta via penetrashon so bo por pega ku malesa, ta pesei hopi ta bisa kosnan manera;
♡ E promé bes nos ta uza kòndòn i despues nos ta bespreek e parti di tèst;
♡Tantu bal bo tèst i e persona bai tene relashon ayabanda ku otro hende tòg;
♡Tèst no ta equivalente na safety etcetera
Boso ta na altura ku penetrashon no ta e uniko sistema pa kontrahe malesanan veneriko? Esaki por tambe door di sunchi, via skupi i sekso oral tambe, pues tenzij ku boso ta uza “b**lap*, mi ta puntra mi mes ki toegevoegde waarde e kòndòn ei lo tin? Tene na kuenta ku malesa nan veneriko manera herpes of HPV, bo no mester tin penetrashon pa bo haña esakinan.
I ta pa esei tambe ta importante pa nos para ketu na e echo ku no ta ora bo ta biba un bida "parotín" òf ora bo tin diferente parehanan seksual so bo tin ku tèst. Bo ta tèst pa prekoushon! Bo ta tèst paso bo ke kuida bo mes salú pero tambe di otro. For di na momentu ku bo ta kís pa tene relashon seksual, boso tur dos/tres ó mas tin un responsabilidat pa ku otro su salú! Ku esaki mi ke men ku si nos kana ku e pensamentu di "que sea lo que Dios quiera" òf e pensamentu nan ariba menshoná i no ta asumí e responsabilidat ku nos tin - sea nos ke òf nò -pa ku e otro persona su bida, nos ta kreando un mundu hopi unsafe pa otronan ku si ta perkurá pa nan ta seksualmente salú.
Esaki ta konta pa ora bo ta den un relashon òf matrimonio tambe. No pasobra no tin konfiansa, sino paso manera mi a menshoná kaba, e akto seksual (penetrashon) no ta e uniko manera ku bo por kontrahe un malesa veneriko. Esaki ta un gran motibu tambe pa kual ta pidi pa no sunchi baby nan resien nasí.
Kisas e ta difisíl pa sierto di nos, pa pidi e persona ku bo tin pensa na tene relashon kun'é pa e tèst paso laga nos ser sinsero, tin hende tin ta sinti nan trapá riba nan tenchi na momentu ku bo pidi esaki, pero kiko ta pihó? Esaki òf hasi nòmber di Tata, dal bai i yora despues di par di luna pasobra bo a kontrahé un malesa veneriko i kisas asta pega otro hende inosente ku esaki?
Ban asumí nos responsabilidat pa ku esaki. Ban protehá nos mes mihó posibel i tèst ku frekuensia spesialmente si bo ta un persona seksualmente hopi aktivo.
Prevení ta mihó ku lamentá!
Reactie plaatsen
Reacties