Polyamoria- e echo di tin laso intimo ku mas ku un persona – no mester ta taboe mas!
Haloaaaaa,
Ayera mi a hasi boso un pregunta interesante. Hopi di boso a reakshoná presis manera mi a ferwagt.
Hopi di nos ta pensa ku ta “imposibel” pa stima diferente hende parew kaminda esaki no ta kuadra ku realidat. Mi ta bisa asina aki pa e simple echo ku sintimentunan manera amor, rabia, tristesa i asta sp*shi ta algu propio. Algu dibo. Bo no por bisa un hende ku su sintimentu no ta kuadra of ku esaki no ta posibel djis pasobra abo no a yega di eksperensia esaki i/òf no ta habrí pa eksperensia algu asina dor di sea bo norma, balornan ó religion. Bo sintimentu, ta bo sintimentu i e ta valido!
Bo tin diferente tipo di relashon. Mayoria hende ta den un relashon monogamo. Pero tambe tin hopi hende awendia den relashon nan polyamoroso, relashonnan habrí of “swing relationships” sea skondí òf out in the open!
Den nos kultura esaki ta poko taboe ainda pa asta papia ariba, pero tòg tin basta hende den skondí ku tin kuriosidat pa ku esaki. E motibu pa kual nan no ta sali out in the open ku nan pensamentu ta hopi biaha pa miedu di wòrdu husgá dor di persona nan ku ta kere ku relashon monogamo ta the only way to go, kaminda e mes persona nan aki sea nan mes ta òf tin amistat/familiar ku ta kòrta orea di su pareha, bai kama ku pareha di un otro hende, biba i tin biaha asta traha yu ku kasá di otro hende! Awo mi ta puntra mi mes dikon nos ta husgá un persona ku sintimentu amoroso pa mas ku 1 persona i na tur ta di akuerdo ku e tipo di relashon aki, pero nos a manera kustumá i asta aseptá e kibramentu di konfiansa den un relashon monogamo.
Den polyamoria ta posibel pa tin diferente relashon intimo! Aki nos no ta papia di simplemente un relashon seksual, pero un relashon met alles erop en eraan, manera den un relashon monogamo. Tin hende ku simplemente no tin tur kos ku e mester den un solo persona, pues e ta buska un mas pa komplementá e otro i ta perfektamente posibel pa e stima tur dos persona.
Si abo ta un di e persona nan ku ta kurioso pa sa si polyamoria ta pabo,wak i analisá promé ku bo no ke hasi esaki for all the wrong reasons. Tambe mi ke pabo sa ku den e tipo di relashon aki;
1. Komunikashon ta hopi importante! Ta importante pa bo traha duidelijke afspraken ku bo pareha/parehanan pa kosnan kana nechi. Ku duidelijke afspraken mi ke men kon lew boso ke yega, si boso ke yu, kon e opvoeding lo bai ta, kon ta hasi ku e parti finansiero etcetera;
2. Si bo ta jaloers, djis sigui trankil ku bo bida.
3. Sa ku den e tipo di relashon aki no ta eksistí un persona mas importante ku e otro. Boso tur ta igual.
All by all, bo no mester ta di akuerdo ku e tipo di relashon aki pero ban respetá e personanan ku si ta biba e bida aki. Nan sintimentu nan no ta menos djis pasobra nan no ta biba segun bo norma, balornan of religion. Si bo pareha yega serka bo ku algu asina aki i bo sa adelantá ku e no ta algu pabo, inderdaad kís pa terminá e relashon i sigui ku bo bida. Sa ku ta un esfuerso grandi un hende mester hasi pa open up na e sistema aki ku su pareha. Si bo disidí di bai un kombersashon kun’é, no hasi esaki pa kambia e persona di idea. Su desishon ta tumá. Sea bo ta aseptá esaki òf sigui ku bo bida.
Anyhoo, moral di e blog aki ta:
Respetá sintimentu di un persona. Ta su sintimentu i e ta validó, maske e no ta kai bou di bo norma, balor i/òf religion.
Reactie plaatsen
Reacties